Welkom by Hoërskool Ben Viljoen | Ben Viljoen - Hoërskool Ben Viljoen Groblersdal Welkom by Hoërskool Ben Viljoen 'n parallel medium skool in die hartjie van die Loskop Vallei. Hier op ons pragtige natuurskoon terrein word ontmeetbare kreatiwiteit effektiewe kommunikasie ontelbare buitemuurse aktiwiteite en geesbou geleenthede aange

Nuus

Nicolene in wenspan

Baie geluk aan Nicolene Terblanche, en haar spanmaats wat Suid-Afrika by die Meestershokkie Wêreldbeker verteenwoordig het as deel van die Women35-span. Hulle het 'n eerste plek in die toernooi behaal nadat hulle Nederland gistermiddag in die eindronde met 4-1 geklop het.
Span Suid-Afrika het 'n ongelooflike toernooi beleef wat hulle onoorwonne afgesluit het. Tydens die groepfases, klop hulle Ierland met 2-0 in hulle eerste wedstryd, gevolg deur 'n 8-0 oorwinning teen Australië se IMC-span, en 'n 2-0 oorwinning teen Argentinië. In die kwartfinaal kom hulle te staan teen Duitsland, waar die Suid-Afrikaners die wedstyd met 3-0 wen. In die semi-finaal wen hulle 2-0 teen Australië, waarna hulle Nederland in die finaal troef.

Ephraim in wenspan

Baie geluk aan Ephraim Chiloane Jnr, en sy spanmaats wat Suid-Afrika by die Meestershokkie Wêreldbeker verteenwoordig het as deel van die Mens35 IMC B-span. Hulle het 'n eerste plek in die toernooi behaal nadat hulle Australië in die eindronde geklop het.
Span Suid-Afrika het 'n moeilike begin gehad, nadat hulle 4-4 gelykop teen Duitsland gespeel het in hul eerste wedstryd, en hul tweede en derde wedstryde teen Australië en Frankryk verloor het. Soos die aard van alle Suid-Afrikaners is, het hulle 'n terugkeer gemaak en met 9-1 teen Zimbabwe gewen in die kruispoelwedstryd om deur te dring na die eindronde.

Sterkte Matrieks!

Die finale eksamen vir die Nasionale Seniorsertifikaat (NSS) begin in alle erns as leerders vandag die eerste van hulle drie vraestelle in die vak Engels skryf.

Noordvaal Uitspele: Krieket

Ons eerste seunskrieketspan het Saterdag, 19 Oktober 2024, in die uitspeelrondte van die Noordvaalkompetisie teen Hoërskool Dinamika, in Alberton, te staan gekom.

Prysuitdeling 2024

Aan die einde van die akademiese jaar word daar aan die Graad 12-leerders erkenning gegee. Vanjaar se glansgeleentheid, oftewel prysuitdeling, het op Donderdag, 17 Oktober, plaasgevind. Die gr. 8- tot 11-leerders het vir hulle sport- en kultuuraktiwiteite toekennings ontvang, terwyl die gr. 12-leerders se akademiese prestasies ook aangekondig is. Vir die matrieks was hierdie die laaste prysuitdeling van hulle skoolloopbaan en sodoende ook ŉ emosionele een.

Baie geluk aan elke leerder wat erkenning gekry het by vanjaar se prysuitdeling. Die skool en die gemeenskap is opreg trots op julle.

Ander Nuus

Die res van ons nuus word op Facebook geplaas.

Klik hier om dit te lees!

Word ook deel van ons Youtube kanaal.

Ons eerste seunskrieketspan het Saterdag, 19 Oktober 2024, in die uitspeelrondte van die Noordvaalkompetisie teen Hoërskool Dinamika, in Alberton, te staan gekom.

Hoërskool Dinamika het die loting gewen en die Dallers gestuur om eerste veldwerk te doen. Na 40 beurte, en 338 lopies, slaag die Dallers daarin om al die spelers van Dinamika uit te boul. Jaco van der Westhuyzen, Christian Jordaan en Limni-Lu Heswick vat elk twee paaltjies, met Ethan Oosthuizen, Leeroy Alexander en Jaco Bouwer wat elk 'n paaltjie vat.
Die Dallers beleef 'n moeilike dag voor die penne, en kon slegs slegs 131 lopies na 30.2 beurte aanteken. Limni-Lu Heswick blink uit met die kolf en teken 76 lopies van slegs 44 balle aan, terwyl Jaco van der Westhuyzen 19 lopies van 22 balle aanteken.