Dogterskrieket

Dogterskrieket het reeds in 2004 by Hoërskool Ben Viljoen begin, en as deel van die Mpumalanga-liga waarin ons deelgeneem het, was ons span jaarliks onoorwonne. In 2006 wen ons meisieskrieketspan met 6 paaltjies teen Hoërskool Standerton om vir die derde agtereenvolgende jaar die Mpumalanga kampioene te wees, waarna die belangstelling in dogterskrieket verminder. Vanaf 2021 word dit egter weer as sportsoort by Hoërskool Ben Viljoen ingestel en vind tydens die derde kwartaal plaas.

'n Opwindende krieketkultuur, gevestig in sterk waardes, dissipline en krieket-etiket word gehandhaaf. Ons het tans een senior dogterskrieketspan wat onberispelike sportmansgees deel. Ons streef daarna dat elke speler die sport ten volle moet geniet en om die volle ontwikkeling van elke speler se vaardighede te verseker.

Prestasies:

2021:	Op Limpopo Impala Krieket se statistieke bekleë Chanélle Smith die vierde posisie op die spelersranglys. Haar spanmaat, Jaconette Wessels is agtste. Chanélle is ook die huidige nommer 1 kolwer wat 'n totaal van 117 lopies in slegs drie wedstryde aangeteken het, terwyl Jaconette die sesde beste bouler is by die dogterskrieket waar sy in slegs drie wedstryde sewe paaltjies geneem het en slegs 37 lopies afgestaan het.
2022:	Catherine Pretorius word ingesluit in die o.15 Limpopospan, terwyl Jaconette Wessels ingesluit word in die o.19 Limpopospan