Beheerliggaam

Waar ’n betrokke, kundige beheerliggaam by ’n skool gevestig is, is dit duidelik sigbaar. Die terrein en strukture lyk goed, die skool presteer op talle terreine en daar is ’n lae omset in onderwyspersoneel.
Die doel van die Beheerliggaam is om die skoolgemeenskap se belange te verteenwoordig. Dit moet omsien na die visie, etos en strategiese rigting wat die skool kies en sorg dat al die betrokkenes inkoop daarin.Die beheerliggaam se primêre taak is “governance”. Dit behels die beheer van al die eksterne faktore asook die bepaling van beleid deur die beheerliggaam. Die oorhoofse beheer van die skool wat fundamenteel is en die daarstelling van verskeie beleide wat die skool se organisasie ondersteun; naamlik die toelatingsbeleid, die gedragskode vir leerders, dissipline, ens., is geweldig belangrik. ‘n Ander baie belangrike funksie van die beheerliggaam het te make met finansies. Finansies het te doen met skoolgeld, begrotings, fondsinsamelingsprojekte en die behoorlike administrasie van skoolgeld. Dit is ‘n uiters belangrike rol wat die beheerliggaam moet vertolk. Ouers se inspraak verseker dat die skool optimaal funksioneer en dat hulle kinders die beste waarde vir hul geld ontvang. ‘n Verdere vertakking van die beheerliggaam se funksies sluit die vestiging van komitees in, soos byvoorbeeld finansies, geboue en terrein, dissipline, koshuise, bemarking ens.