Sentrum vir Berading en Remediëring

Mnr. Albert Swaters, skoolhoof vanaf 2003-2020, het die Sentrum vir Berading en Remediëring in 2003 met 'n droom in sy hart geloods. Dit het gegroei tot 'n professionele dienssentrum waar 'n holistiese benadering gevolg word. 'n Gesonde liggaam huisves 'n gesonde gees en ons streef daarna om ook ons studente se emosionele behoeftes aan te spreek.

Akademiese Diens: Bystand aan studente wat 'n jaar herhaal, aanleg- en IK-toetse, toegewings vir amenuensis vir studente wat eksamenbystand benodig, studiebystand en organisering van studieroosters en Uduxo-klasse vir studente met studie-uitdagings.

Emosionele diens: Traumaberading, emosionele berading, geestelike hulp en bystand, maatskaplike bystand, leiding en versorging en verwysings na spesialiste vir buitengewone behoeftes.

Hierdie diens word gratis deur Hoërskool Ben Viljoen aangebied.